Showing posts with label Shalini. Show all posts
Showing posts with label Shalini. Show all posts

Thursday, February 22, 2018

Kadhalukku Mariyadhai - Ithu Sangeetha

படம் : காதலுக்கு மரியாதை (1997)
இசை : இளையராஜா
பாடியவர் :  பவதாரணி
பாடல் வரி : பழனி பாரதி





இது சங்கீத திருநாளோ
புது சந்தோஷம் வரும் நாளோ
ரதி நம் வீட்டில் பிறந்தாளோ
சிறு பூவாக மலர்ந்தாளோ
சின்ன சின்ன அசைவில் சித்திரங்கள் வரைந்தாள்
முத்தமழை கன்ன‌ம் விழ நனைந்தாளே
கொஞ்சி கொஞ்சி பிஞ்சு நடை நடந்தாளே

இது சங்கீத திருநாளோ
புது சந்தோஷம் வரும் நாளோ
ரதி நம் வீட்டில் பிறந்தாளோ
சிறு பூவாக மலர்ந்தாளோ


கைகளில் பொம்மைகள் கொண்டு ஆடுவாள்
கண்களை பின்புறம் வந்து மூடுவாள்
செல்லம் கொஞ்சி தமிழ் பாடுவாள்
தோள்களில் கண்களை மெல்ல மூடுவாள்
உறங்கும் பொழுதும் என்னை தேடுவாள்
அங்கும் இங்கும் துள்ளி ஓடுவாள்
பூவெல்லாம் இவள் போல அழகில்லை
பூங்காற்று இவள் போல சுகமில்லை
இது போல சொந்தங்கள் இனி இல்லை
எப்போதும் அன்புக்கு அழிவில்லை
இவள் தானே நம் தேவதை

இது சங்கீத திருநாளோ
புது சந்தோஷம் வரும் நாளோ
ரதி நம் வீட்டில் பிறந்தாளோ
சிறு பூவாக மலர்ந்தாளோ


நடக்கும் நடையில் ஓர் தேர்வனம்
சிரிக்கும் அழகில் ஒரு கீர்த்தனம்
கண்ணில் மின்னும் ஒரு காவியம்
மனதில் வரைந்து வைத்த ஒவியம்
நினைவில் நனைந்து நிற்கும் பூவனம்
என்றும் எங்கும் இவள் ஞாபகம்
இவள் போகும் வழியெங்கும் பூவாவேன்
இரு பக்கம் காக்கின்ற கரையாவேன்
இவளாடும் பொன்னூஞ்சல் நானாவேன்
இதயத்தில் சுமக்கின்ற தாயாவேன்
எப்போதும் தாலாட்டுவேன்

இது சங்கீத திருநாளோ
புது சந்தோஷம் வரும் நாளோ
ரதி நம் வீட்டில் பிறந்தாளோ
சிறு பூவாக மலர்ந்தாளோ
சின்ன சின்ன அசைவில் சித்திரங்கள் வரைந்தாள்
முத்த மழை கன்ன‌ம் விழ நனைந்தாளே
கொஞ்சி கொஞ்சி பிஞ்சு நடை நடந்தளே

இது சங்கீத திருநாளோ
புது சந்தோஷம் வரும் நாளோ
ரதி நம் வீட்டில் பிறந்தாளோ
சிறு பூவாக மலர்ந்தாளோ

Tuesday, June 25, 2013

காதலுக்கு மரியாதை - விழியில்

படம் : காதலுக்கு மரியாதை (1997)
இசை : இளையராஜா
பாடியவர்கள்: விஜய், பவதாரணி
பாடல்வரிகள் : பழனி பாரதி





விழியில் விழி மோதி இதயக்கதவு இன்று திறந்ததே...

இரவு பகலாகி இதயம் கிளியாகிப் பறந்ததே...
ஏ... காதல் நெஞ்சே யாரோடு சொல்வேன்...
வந்து போன தேவதை நெஞ்சை அள்ளிப் போனதே...
நெஞ்சை அள்ளிப் போனதே...

ஓ பேபி பேபி... என் தேவ தேவி
ஓ பேபி பேபி... என் காதல் ஜோதி
ஒரு பார்வை வீசிச் சென்றாள் ஹோ உலகம் விடிந்ததிங்கே
வார்த்தை பேசவில்லை எல்லாம் புரிந்ததிங்கே
இனி இதயமெல்லாம் தினமும் தினமும் மழை தான்
ஓ பேபி பேபி... என் தேவ தேவி


பார்வை விழுந்ததும் உயிர் வரை தேகம் நனைந்தது

ஸ்வாசம் முழுவதும் பூக்களின் வாசம் நிறைந்தது
நேற்று இந்த மாற்றம் எந்தன் நெஞ்சில் இல்லை
காற்று எந்தன் காதில் கவிதை சொல்லவில்லை
ஹோ... இருதயம் இருபக்கம் துடிக்குதே
அலைவந்து அலைவந்து அடிக்குதே
எனக்குள்ளே தான்....
ஓ பேபி பேபி... என் தேவ தேவி
ஓ பேபி பேபி... என் காதல் ஜோதி


ஜீவன் மலர்ந்தது புது சுகம் எங்கும் வளர்ந்தது
தேவன் எழுதிடும் தீர்ப்புகள் இதுதான் புரிந்தது
ஊரைக் கேட்கவில்லை பேரும் தேவையில்லை
காலம் தேசம் எல்லாம் காதல் வானியில்லை
ஓ... தேவதை தரிசனம் கிடைத்ததே
ஆலய மணி இங்கு ஒலித்ததே
என்னைத் தந்தேன்..

ஓ பேபி பேபி... என் தேவ தேவி
ஓ பேபி பேபி... என் காதல் ஜோதி
ஒரு பார்வை வீசிச் சென்றாள் ஹோ உலகம் விடிந்ததிங்கே
வார்த்தை பேசவில்லை எல்லாம் புரிந்ததிங்கே
இனி இதயமெல்லாம் தினமும் தினமும் மழை தான்
ஓ பேபி பேபி... என் தேவ தேவி
ஓ பேபி பேபி... என் காதல் ஜோதி


Sunday, January 6, 2013

அலைபாயுதே - பச்சை நிறமே

படம் : அலைபாயுதே (2000)
இசை : A.R. ரஹ்மான்
பாடியவர்கள் : ஹரிஹரன்
பாடல்வரிகள் : வைரமுத்து





சகியே சினேகிதியே
காதலில் காதலில் காதலில் நிறமுண்டு
சகியே சினேகிதியே
என் அன்பே அன்பே உனக்கும் நிறமுண்டு

பச்சை நிறமே பச்சை நிறமே
இச்சை மூட்டும் பச்சை நிறமே
புல்லின் சிரிப்பும் பச்சை நிறமே
எனக்கு சம்மதம் தருமே

பச்சை நிறமே பச்சை நிறமே
இலையின் இளமை பச்சை நிறமே
உந்தன் நரம்பும் பச்சை நிறமே
எனக்கு சம்மதம் தருமே
எனக்கு சம்மதம் தருமே
எனக்கு சம்மதம் தருமே


கிளையில் காணும் கிளியின் மூக்கு
விடலைப் பெண்ணின் வெற்றிலை நாக்கு
புத்தம் புதிதாய் ரத்த ரோஜா
பூமி தொடாத பிள்ளையின் பாதம்
எல்லா சிவப்பும் உந்தன் கோவம்
எல்லா சிவப்பும் உந்தன் கோவம்

அந்தி வானம் அரைக்கும் மஞ்சள்
அக்கினிக் கொழுந்தில் பூத்த மஞ்சள்
தங்கத்தோடு ஜனித்த மஞ்சள்
கொன்றைப் பூவில் குளித்த மஞ்சள்
மஞ்சள் மஞ்சள் மஞ்சள்
மாலை நிலவின் மரகத மஞ்சள்
எல்லாம் தங்கும் உந்தன் நெஞ்சில்

சகியே சினேகிதியே
காதலில் காதலில் காதலில் நிறமுண்டு
சகியே சினேகிதியே
என் அன்பே அன்பே உனக்கும் நிறமுண்டு

அலையில்லாத ஆழி வண்ணம்
முகிலில்லாத வானின் வண்ணம்
மயிலின் கழுத்தில் வாழும் வண்ணம்
குவளைப் பூவில் குழைத்த வண்ணம்
ஊதாப் பூவில் ஊற்றிய வண்ணம்
எல்லாம் சேர்ந்து உன் கண்ணில் மின்னும்
எல்லாம் சேர்ந்து உன் கண்ணில் மின்னும்


இரவின் நிறமே இரவின் நிறமே
கார்காலத்தின் மொத்த நிறமே
காக்கைச் சிறகில் காணும் நிறமே
பெண்மை எழுதும் கண்மை நிறமே
வெயிலில் பாடும் குயிலின் நிறமே
எல்லாம் சேர்ந்து கூந்தல் நிறமே
எல்லாம் சேர்ந்து கூந்தல் நிறமே

சகியே சினேகிதியே
காதலில் காதலில் காதலில் நிறமுண்டு
சகியே சினேகிதியே
என் அன்பே அன்பே உனக்கும் நிறமுண்டு

வெள்ளை நிறமே வெள்ளை நிறமே…
மழையில் உடையும் தும்பை நிறமே…
வெள்ளை நிறமே வெள்ளை நிறமே
விழியில் பாதி உள்ள நிறமே
மழையில் உடையும் தும்பை நிறமே
உனது மனசின் நிறமே
உனது மனசின் நிறமே
உனது மனசின் நிறமே

அலைபாயுதே - சினேகிதனே சினேகிதனே


படம் : அலைபாயுதே (2000)
இசை : A.R. ரஹ்மான்
பாடியவர்கள் : சாதனா சர்கம், ஸ்ரீநிவாஸ்
பாடல்வரிகள் : வைரமுத்து




சினேகிதனே சினேகிதனே ரகசிய சினேகிதனே
சின்னச் சின்னதாய் கோரிக்கைகள் செவிகொடு சினேகிதனே
இதே அழுத்தம் அழுத்தம் இதே அணைப்பு அணைப்பு
வாழ்வின் எல்லை வரை வேண்டும் வேண்டும்
வாழ்வின் எல்லை வரை வேண்டும் வேண்டுமே
சினேகிதனே சினேகிதனே ரகசிய சினேகிதனே


சின்னச் சின்ன அத்துமீறல் புரிவாய்
என் செல் எல்லாம் பூக்கள் பூக்கச் செய்வாய்
மலர்களில் மலர்வாய்…
பூப்பறிக்கும் பக்தன் போல மெதுவாய்
நான் தூங்கும் போது விரல் நகம் களைவாய்
சத்தமின்றித் துயில்வாய்…
ஐவிரல் இடுக்கில் ஆலிவ் எண்ணை
பூசி சேவைகள் செய்யவேண்டும்
நீயழும் போது நான் அழ நேர்ந்தால்
துடைக்கின்ற விரல் வேண்டும்
சினேகிதனே சினேகிதனே ரகசிய சினேகிதனே
சின்னச் சின்னதாய் கோரிக்கைகள் செவிகொடு சினேகிதனே

நேற்று முன்னிரவில் உன்னில் திலவு மடியில்
காற்று நுழைவதேனோ உயிர் கலந்து களித்திருந்தேன்
இன்று விண்ணிலவில் அந்த ஈர நினைவில்
கன்று தவிப்பதேனோ மனம் கலங்கிப் புலம்புகிறேன்
கூந்தல் நெளிவில் எழில் குலச்சரிவில்
கூந்தல் நெளிவில் எழில் குலச்சரிவில்
கர்வம் அழிந்ததடி என் கர்வம் அழிந்ததடி

சொன்னதெல்லாம் பகலிலே புரிவேன் ஏன்…
சொன்னதெல்லாம் பகலிலே புரிவேன்
நீ சொல்லாததும் இரவிலே புரிவேன்
காதில் கூந்தல் நுழைப்பேன்
உந்தன் சட்டை நானும் போட்டு அலைவேன்
நீ குளிக்கையில் நானும் கொஞ்சம் நனைவேன்
உப்பு மூட்டை சுமப்பேன்
உன்னை அள்ளி எடுத்து உள்ளங்கையில் மடித்து
கைக்குட்டையில் ஒளித்துக்கொள்வேன்
வேளை வரும்போது விடுதலை செய்து
வேண்டும் வரம் வாங்கிக்கொள்வேன்

சினேகிதனே சினேகிதனே ரகசிய சினேகிதனே
சின்னச் சின்னதாய் கோரிக்கைகள் செவிகொடு சினேகிதனே

Thursday, October 18, 2012

அமர்க்களம் - சத்தம் இல்லாத

படம் : அமர்க்களம் (1999)
இசை : பரத்வாஜ்
பாடியவர் :  S.P.B, சுஜாதா மோகன்
பாடல் வரி : வைரமுத்து



Amarkalam.jpg



சத்தம் இல்லாத தனிமை கேட்டேன்
யுத்தம் இல்லாத உலகம் கேட்டேன்
ரத்தத்தில் என்றென்றும் வேகம் கேட்டேன்

ரகசியமில்லா உள்ளம் கேட்டேன்

சத்தம் இல்லாத தனிமை கேட்டேன்
யுத்தம் இல்லாத உலகம் கேட்டேன்
ரத்தத்தில் என்றென்றும் வேகம் கேட்டேன்
ரகசியமில்லா உள்ளம் கேட்டேன்

உயிரைக் கிள்ளாத உறவை கேட்டேன்
ஒற்றைக் கண்ணீர்த் துளியை கேட்டேன்
வலிகள் செய்யாத வார்த்தை கேட்டேன்
வயதுக்கு சரியான வாழ்க்கை கேட்டேன்
இடிகள் இல்லாத மேகம் கேட்டேன்
இளமை கெடாத போகம் கேட்டேன்
பறந்து பறந்து நேசம் கேட்டேன்
பாசாங்கில்லாத பாசம் கேட்டேன்


புல்லின் நுனியில் பனியை கேட்டேன்
பூவின் மடியில் படுக்கை கேட்டேன்
தானே உறங்கும் விழியை கேட்டேன்
தலையை கோதும் விரலை கேட்டேன்
நிலவில் நனையும் சோலை கேட்டேன்
நீல குயிலின் பாடல் கேட்டேன்
நடந்து போக நதிக்கரை கேட்டேன்
கிடந்து உருள புல்வெளி கேட்டேன்


தொட்டு படுக்க நிலவை கேட்டேன்
எட்டி பறிக்க விண்மீன் கேட்டேன்
துக்கம் மறந்த தூக்கம் கேட்டேன்
தூக்கம் மணக்கும் கனவை கேட்டேன்
பூமிக்கெல்லாம் ஒரு பகல் கேட்டேன்
பூவுக்கெல்லாம் ஆயுள் கேட்டேன்
மனிதர்க்கெல்லாம் ஒரு மனம் கேட்டேன்
பறவைக்கெல்லாம் தாய் மொழி கேட்டேன்


உலகுக்கெல்லாம் சம மழை கேட்டேன்
ஊருக்கெல்லாம் ஒரு நதி கேட்டேன்
வானம் முழுக்க நிலவை கேட்டேன்
வாழும் போதே சொர்க்கம் கேட்டேன்
எண்ணம் எல்லாம் உயர கேட்டேன்
எரியும் தீயாய் கவிதை கேட்டேன்
கண்ணீர் கடந்த ஞானம் கேட்டேன்
காமம் கடந்த யோகம் கேட்டேன்


சுற்றும் காற்றின் சுதந்திரம் கேட்டேன்
சிட்டுக் குருவியின் சிறகைக் கேட்டேன்
உச்சந்தலை மேல் மழையை கேட்டேன்
உள்ளங்காலில் நதியை கேட்டேன்
பண்கொண்ட பாடல் பயில கேட்டேன்
பறவைக்கிருக்கும் வானம் கேட்டேன்
நன்றி கெடாத நட்பை கேட்டேன்
நடுங்கவிடாத செல்வம் கேட்டேன்


மலரில் ஒரு நாள் வசிக்க கேட்டேன்
மழையின் சங்கீதம் ருசிக்க கேட்டேன்
நிலவில் நதியில் குளிக்க கேட்டேன்
நினைவில் சந்தனம் மணக்க கேட்டேன்
விழுந்தால் நிழல் போல் விழவே கேட்டேன்
அழுதால் மழை போல் அழவே கேட்டேன்
ஏகாந்தம் என்னோடு வாழ கேட்டேன்
எப்போதும் சிரிக்கின்ற உதடுகள் கேட்டேன்


பனித்துளி போல் ஒரு சூரியன் கேட்டேன்
சூரியன் போல் ஒரு பனித்துளி கேட்டேன்
ராஜராஜனின் வாளை கேட்டேன்
வள்ளுவன் எழுதிய கோலை கேட்டேன்
பாரதியாரின் சொல்லை கேட்டேன்
பார்த்திபன் தொடுத்த வில்லை கேட்டேன்
மாயக் கண்ணன் குழலை கேட்டேன்
மதுரை மீனாட்சி கிளியை கேட்டேன்


சொந்த உழைப்பில் சோற்றை கேட்டேன்
தொட்டுக் கொள்ள பாசம் கேட்டேன்
மழையை போன்ற தூய்மையை கேட்டேன்
புல்லை போன்ற பணிவை கேட்டேன்
புயலை போன்ற துணிவை கேட்டேன்
இடியைத் தாங்கும் தோள்கள் கேட்டேன்
இழிவைத் தாங்கும் இதயம் கேட்டேன்
துரோகம் தாங்கும் வலிமை கேட்டேன்


தொலைந்துவிடாத பொறுமை கேட்டேன்
சொன்னது கேட்கும் உள்ளம் கேட்டேன்
சொன்னால் சாகும் வேகம் கேட்டேன்
கயவரை அறியும் கண்கள் கேட்டேன்
காலம் கடக்கும் கால்கள் கேட்டேன்
சின்னச் சின்ன தோல்விகள் கேட்டேன்
சீக்கிரம் ஆறும் காயம் கேட்டேன்
மூடியில்லாத முகங்கள் கேட்டேன்


போலியில்லாத புன்னகை கேட்டேன்
தவழும் வயதில் தாய் பால் கேட்டேன்
தாவும் வயதில் பொம்மைகள் கேட்டேன்
ஐந்து வயதில் புத்தகம் கேட்டேன்
ஆறாம் விரலாய் பேனா கேட்டேன்
காசே வேண்டாம் கருணை கேட்டேன்
தலையணை வேண்டாம் தாய் மடி கேட்டேன்
கூட்டுக்கிளி போல் வாழ கேட்டேன்


குறைந்தபட்ச அன்பை கேட்டேன்
இத்தனை கேட்டும் கிடைக்கவில்லை
இதிலே எதுவும் நடக்கவில்லை
வாழ்வே வாழ்வே வேண்டாமென்று
மரணம் மரணம் மரணம் கேட்டேன்

Friday, October 5, 2012

சங்கர் குரு - சின்ன சின்னப் பூவே


படம்: சங்கர் குரு (1987)
இசை: சந்திரபோஸ்
பாடியவர்கள்: K.J.ஜேசுதாஸ், S. ஜானகி






லல் லல் லாலா லாலா
லல் லல் லாலா லாலா
லல் லல் லாலா லாலா லல் லல் லா
லல் லா லா லா

ஆஹா ஹா..... ஆ..... ஹா ஹா....
ஓஹோ.... ஹோ.... ம்ம்ம்ம்....

சின்ன சின்னப் பூவே.....
நீ கண்ணால் பாருப் போதும்......

சின்ன சின்னப் பூவே நீ கண்ணால் பாருப் போதும்
தொட்டுத் தொட்டுப் பேசு என் துன்பம் எல்லாம் தீரும்
கண்ணே உன் கைப்பட்டால் காஞ்ச கொடி பிஞ்சு விடும்
பட்ட மரம் பாலூறும் பாகற்காய் தேனூறும்
ஒ... ஒ... ஒஹோ... ஹோ...

சின்ன சின்னப் பூவே நீ கண்ணால் பாருப் போதும்
தொட்டுத் தொட்டுப் பேசு என் துன்பம் எல்லாம் தீரும்

உலகத்தில் பூவெல்லாம் உம் போல அழகில்ல
நானும் உன் அம்மாவும் பண்ணாத தவமில்ல
தென்பாண்டி மன்னவனோ முழுகித்தான் முத்தெடுத்தான்
தேனே உன் அம்மாவோ முழுகாம முத்தெடுத்தா
கண்ணே தெய்வம் கண்டேன் உந்தன் கண்ணே சந்நிதி
உன் முத்தம் பட்ட எச்சில் பட்டா கொஞ்சம் நிம்மதி
சின்ன சின்னப் பூவே நீ கண்ணால் பாருப் போதும்

தொட்டுத் தொட்டுப் பேசு என் துன்பம் எல்லாம் தீரும்

பாப்பா நீ இல்லாம பசி தூக்கம் வாராது
உன் பேச்சைக் கேட்காம ஒரு நாளும் விடியாது
நீ உண்ணப் பால் கிண்ணம் போதாது பொன்மானே
நிலவென்னும் கிண்ணத்தை நான் கொண்டு வருவேனே
பூவும் பூவும் உன்னைப் பார்த்துப் பேசிக் கொண்டது
இந்த காட்டில் ஓடும் ஓடக் கூட உம் பேர் சொன்னது

சின்ன சின்னப் பூவே நீ கண்ணால் பாருப் போதும்
தொட்டுத் தொட்டுப் பேசு என் துன்பம் எல்லாம் தீரும்

கண்ணே உன் கைப்பட்டால் காஞ்ச கொடி பிஞ்சு விடும்
பட்ட மரம் பாலூறும் பாகற்காய் தேனூறும்
ஒ... ஒ... ஒஹோ... ஹோ...
சின்ன சின்னப் பூவே நீ கண்ணால் பாருப் போதும்
தொட்டுத் தொட்டுப் பேசு என் துன்பம் எல்லாம் தீரும்
தன் நன் நன்.... நானே நா.... தானே நானே நா....


Sunday, June 3, 2012

Kannukkul Nilavu - Roja Poonthottam

படம் : கண்ணுக்குள் நிலவு (2000)
இசை : இளையராஜா
பாடியவர்கள் : உன்னி கிருஷ்ணன், அனுராதா ஸ்ரீராம்,
பாடலாசிரியர்: பழனி பாரதி





ரோஜா பூந்தோட்டம்....
காதல் வாசம்... காதல் வாசம்...

ரோஜா பூந்தோட்டம் 
காதல் வாசம் காதல் வாசம்
பூவின் இதழ் எல்லாம் 
மௌன ராகம் மௌன ராகம்
ஒவ்வொரு இலையிலும் 
தேன்துளி ஆடுதே
பூவெல்லாம் பூவெல்லாம் 
பனி மழை தேடுதே
நம் காதல் கதையை கொஞ்சம் 
சொல் சொல் சொல் என்றதே

ரோஜா பூந்தோட்டம் 
காதல் வாசம் காதல் வாசம்
பூவின் இதழ் எல்லாம் 
மௌன ராகம் மௌன ராகம்



விழியசைவில் உன் இதழ் அசைவில்
இதயத்திலே இன்று 
ஒரு இசைதட்டு சுழலுதடி

ஓ... ஓ... ஓ...

புதிய இசை ஒரு புதிய திசை
புது இதயம் இன்று 
உன் காதலில் கிடைத்ததடி

ஓ... ஓ... ஓ...
காதலை நான் தந்தேன் 
வெட்கதை நீ தந்தாய்
காதலை நான் தந்தேன் 
வெட்கதை நீ தந்தாய்
நீ நெருங்கினால் நெருங்கினால் 
இளமை சுடுகிறதே

ரோஜா பூந்தோட்டம் 
காதல் வாசம் காதல் வாசம்
பூவின் இதழ் எல்லாம் 
மௌன ராகம் மௌன ராகம்

உன்னை நினைத்து 
நான் விழிந்திருந்தேன்
இரவுகளில் தினம் வண்ண 
நிலவுக்கு துணையிருந்தேன்

ஓ... ஓ... ஓ...

நிலவடிக்கும் கொஞ்சம் 
வெயில் அடிக்கும்
பருவ நிலை அதில் 
என் மலருடன் சிலிர்திருந்தேன்
ஓ... ஓ... ஓ...

சூரியன் ஒரு கண்ணில் 
வெண்ணிலா மறு கண்ணில்
சூரியன் ஒரு கண்ணில் 
வெண்ணிலா மறு கண்ணில்
என் இரவையும் பகலையும் 
உனது விழியில் கண்டேன்

ரோஜா பூந்தோட்டம் 
காதல் வாசம் காதல் வாசம்
பூவின் இதழ் எல்லாம் 
மௌன ராகம் மௌன ராகம்

ஒவ்வொரு இலையிலும் 
தேன்துளி ஆடுதே
பூவெல்லாம் பூவெல்லாம் 
பனி மழை தேடுதே
நம் காதல் கதையை கொஞ்சம் 
சொல் சொல் சொல் என்றதே

ரோஜா பூந்தோட்டம் 
காதல் வாசம் காதல் வாசம்
பூவின் இதழ் எல்லாம் 
மௌன ராகம் மௌன ராகம்

Popular Posts