படம் : நாட்படு தேறல் 2.0 (2022)
இசை : ரமேஷ் தமிழ்மணி
பாடியவர்கள் : பாம்பே ஜெயஸ்ரீ
பாடல்வரிகள் : வைரமுத்து
ரோஜாவே தமிழ் பேசு
செடியில் பூத்த நட்சத்திரமே
சிரிப்பில் எழுதிய சித்திரமே
சின்னஞ்சிறு காலம்தான்
நீ வாழ்வது – ஆனால்
காற்றில் ஒரு பெருவாழ்வு
நீயெழுதிப் போவது
எங்ஙனம் உன்னால் ஆனது?
ரோஜாவே தமிழ் பேசு
ரோஜாவே தமிழ் பேசு
வான் கொடுத்தாலும்
விண்மீன் போதும்
மண் கொடுத்தாலும்
மலரொன்று போதும்
கடல் கொடுத்தாலும்
மீன்ஒன்று போதும்
பெரியது எல்லாம்
பெரும்பொருள் இல்லை
சிறியது எல்லாம்
சிறுபொருள் இல்லை
பயன்களைப் பொறுத்தே
பொருள்களின் எல்லை
ரோஜாவே தமிழ் பேசு
ரோஜாவே தமிழ் பேசு
வெயிலுக்குத் தன்னை
விருந்து வைத்தாலும்
முயலுக்கு தாகம்
தீர்த்து வைத்தாலும்
பனித்துளி வாழ்வு
பூரணமாகும்
தொடங்கிய வாழ்வை
அழகு செய்தாலும்
அடங்கிய வாழ்வை
அமைதி செய்தாலும்
மலர்களின் வாழ்வு
பூரணமாகும்
ரோஜாவே தமிழ் பேசு
ரோஜாவே தமிழ் பேசு
செடியில் பூத்த நட்சத்திரமே
சிரிப்பில் எழுதிய சித்திரமே
சின்னஞ்சிறு காலம்தான்
நீ வாழ்வது – ஆனால்
காற்றில் ஒரு பெருவாழ்வு
நீயெழுதிப் போவது
எங்ஙனம் உன்னால் ஆனது?
